Роналдо: Да не беше Спортинг ќе работев во Мекдоналдс, морам да се оддолжам на тој клуб

Додека се шпекулира каде Роналдо би можел да игра во следната сезона, тој самиот откри во кој клуб сака да се пензионира.

Тоа ќе биде клубот и во кој ја започна кариерата, Спортинг. Роналдо во Португалија ги направи првите чекори како професионалец во сезоната 2002/2003. Две децении подоцна тој е на залезот на кариерата, но се уште може да бира каде ќе игра.

Роналдо не открива каде ќе биде во следната сезона, но ги откри неговите планови за крајот на кариерата.

„Кариерата ќе ја завршам во Спортинг, морам да се оддолжам на тој клуб со играње барем една сезона. Тој клуб ме скаутираше кога никој друг не гледаше ништо во мене. Од мене направија играч и без нив веројатно ќе работев во Мекдоналдс“, изјави Роналдо.

После Спортинг е еден од најдобрите играчи на сите времиња играше за Манчестер Јунајтед, Реал Мадрид и Јувентус, пред да се врати на „Олд Трафорд“.