Рома на чекор од големо засилување

Италијанските медиуми пренесуваат дека наско нов играч на Рома ќе биде бразилскиот интернационалец, Андерсон Талиска.

24-годишниот офанзивен фудбалер наводно им се доверил на своите пријатели дека кариерата ќе ја продолжи во Италија, поточно во дресот на Рома.

„Кариерата ќе ја продолжам во Италија. Се договорив со Рома. Во Бешикташ поминав две прекрасни години, сега е време за чекор напред во кариерата“, наводно им рекол Талиска на пријателите.

Ова сезона Талиска за Бешикташ одигра 45 меча на кои постигна 20 гола и запиша 10 асистенции, па за него силен интерес покажаа и неколку клуба од Премиер лигата.

Инаку Бразилецот е во сопственост на Бенфика, која за неговиот потпис бара 30 милиони евра.