Родриго откри – имал понуда и од Барселона!

Еден од хероите во освојувањето на титулата во Лигата на шампионите на Реал Мадрид е 21-годишниот Бразилец Родриго.

Родриго постигна два гола во судиското продолжение од полуфиналето против Сити кое на крајот во продолженијата го реши Бензема.

Пред три години можеби беше изненадување кога Реал на Сантос му плати 45 милиони евра, но денес се покажува дека тоа бил добар потег. Сега Родриго откри дека имал и понуда од Барселона.

„Се вратив дома после натпревар. Дома имав дрес од Реал Мадрид и влезе татко ми со тој дрес и дрес од Барселона и ми кажа да бирам, го избрав Реал, ете и денес сум тука“, изјави Родриго.

Родриго откри и дека неговиот татко имал договор со Барселона, меѓутоа на крајот пресудила неговата желба да игра за Реал.