Рашфорд и Манчестер Јунајтед блиску до договор

Ѕвездата на Манчестер Јунајтед, Маркус Рашфорд е блиску до потпишување на нов договор со клубот, пренесуваат медиумите на Островот.

Договорот на Рашфорд истекува во 2024 година, па Јунајтед  сака што поскоро да биде решена неговата иднина.

„Атлетик“ информира дека двете страни постигнале начелен договор и следните недели ќе имаат средба за да ги дефинираат последните детали.

Англискиот репрезентативец игра фантастична сезона и до овој момент има постигнато 24 гола и 8 асистенции, па бара да биде најплатен фудбалер во тимот со повеќе од 300.000 фунти неделно.

Сепак, потпишувањето на новиот договор ќе биде после купопродажбата на клубот, која се очекува да биде финализирана од мај.