ПСЖ купува уште еден Шпанец

ПСЖ денес ќе го комплетира трансферот на Фабиан Руиз од Наполи, но сака да донесе уште еден шпански репрезентативец.

Станува збор за капитенот на Валенсија, Карлос Солер, кој е голема желба на тренерот Галтие.

Солер покажа желба да се пресели во поголем клуб, па откако пропадна неговиот трансфер во Барселона, сега е спремен да се пресели во ПСЖ.

Солер влегува во последната година од договорот со Валенсија која се наоѓа во финансиски проблеми и ќе мора да ги продава своите најдобри играчи.

Таквата ситуација сака да ја искористи ПСЖ и веќе спремил понуда од 20 милиони евра, која се верува дека Валенсија ќе ја прифати.