Преговорите започнати, Халанд наскоро става потпис

Манчестер Сити сака што побрзо да потпише нов договор со првата ѕвезда во тимот, Ерлинг Халанд.

Халанд има уште три години договор со „граѓаните“, но и откупна клаузула од 175 милиони евра.

Поради оваа причина, сега приоритет на Сити е да го продолжи договорот со Норвежанецот, а преговорите се започнати.

Халанд на „Етихад“ пристигна во 2022 година и оттогаш за тимот од синиот дел на Манчестер постигна 103 гола на 110 натпревари.

Сити ќе му понуди нов договор со неверојатни 500.000 фунти неделна плата и ќе го направи најплатен играч во Премиер лигата.