Постигнат договор: Бремер пред трансфер во Интер

Интер е во напредни преговори со Торино за трансфер на дефанзивецот Бремер, пренесуваат италијанските медиуми.

Бразилецот е трансфер цел број еден на „нероаѕурите“ за засилување на дефанзивата, бидејќи е означен како идеална замена за Скриниар.

Иако трансферот на Скриниар во ПСЖ се уште не е комплетиран, сепак Интер реши да ги забрза преговорите со Торино, бидејќи интерес за Бремер покажува и Јувентус.

Италијанските медиуми пренесуваат дека двата клуба постигнале начелен договор и Интер за Бремер ќе плати 30 милиони евра плус младиот играч Чезаре Казадеј.

25-годишниот Бремер беше избран за најдобар дефанзивец во Серија А минатата сезона и ќе биде адекватна замена за Скриниар.

Преговорите помеѓу Интер и ПСЖ за Скриниар се во напредна фаза и се очекува да бидат финализирани следната недела за 65 милиони евра плус бонуси.