ПОСТИГНАТ ДОГОВОР: Алисон на „Енфилд“ за 75 милиони евра!

Клоп одлучи да доведе голман од светска класа и нема да жали пари за него.

Ова утро пренесовме дека Ливерпул понудил 60 милиони плус 10 милиони бонуси и дека Рома бара уште пет милиони. Изгледа дека Ливерпул веднаш ги исполнил условите и веднаш испратил нова понуда која е за пет милиони поголема и изнесува 75 милиони евра.

Остана уште да се открие како Ливерпул ќе ги испати тие 75 милиони, но договорот е многу блиску.

Ливерпул е толку сигурен дека ќе го доведе Бразилецот во своите редови и дека веќе закажаа лекарски прегледи. Пред неколку дена, Алисон разговарал со Клоп и му кажал дека е воодушевен од Ливерпул.

#Alisson is getting closer to #Liverpool.#LFC have made new bid for €75M to find the agreement with Roma: the clubs are now are discussing about the details of the payments and the add ons to finalize the deal soon ? #LFC #Liverpool #transfers

— Fabrizio Romano (@FabrizioRomano) July 18, 2018

Она што дополнително му оди во прилог на Ливерпул е тоа што Челзи не испрати никаква понуда за овој 25-годишен голман. „Волчицата“ веќе бара замена за Бразилецот, бидејќи е свесна дека не може да го задржи. Се споменуваат Арелоа и Донарума како потенцијални замени.

Алисон го импресионираше целиот свет со своите настапи, па и нема да изненадат многубројните понуди од фудбалските гиганти. На Ливерпул дефинитивно му е потребен нов голман, па Клоп реши ова лето да го сруши светскиот рекорд. Тие веќе ги доведоа Фабињо, Шаќири и Кеита, а доколку дојдат Алисон и Фекир, како што се споменува, „Црвените“ ќе направат многу квалитетен тим за новата сезона.

Liverpool are so confident to sign #Alisson and are preparing medicals for him. The player also had a call with Jurgen Klopp some day ago; and he’d be happy to join Liverpool. At the moment… Chelsea have not made a new bid for Alisson. ? #LFC #CFC #transfers

— Fabrizio Romano (@FabrizioRomano) July 18, 2018