Поранешниот дефанзивец на Манчестер Јунајтед, Микаел Силвестре, во пресрет на најголемото англиско дерби изјави дека стадионот на Ливерпул, „Енфилд Роуд“ е како пекол.
Силвестре девет сезони мина во дресот на Манчестер Јунајтед, одигра 361 натпревар и има големо искуство кога се во прашање дуелите со Ливерпул.
Учиме по најтешкиот пат: Со едукација за заштита и спасување до спречување на трагедии! ↓↓↓
„Се чувствуваш како да одиш во пеколот. Не си добредојден, може да ја почувствуваш омразата. Тоа е непријателско опкружување, но е добра можност да видиш како реагираш во непријатни околности. Тоа е најдоброто место на кое можеш да победиш“, изјави Силвестре.
По седум одиграни натпревари во Премиер лигата, Манчестер Јунајтед има седум бода повеќе од Ливерпул, чиј напад го предводат Кутињо, Салах и Фирмино.
„Тие се добри играчи, но сѐ уште не се светска класа. Секако дека во текот на целиот натпревар ќе приготвуваат можности за постигнување гол, но ниту еден од нив не е гол-машина. Им недостига голгетер од кого можеш да очекуваш 20-25 гола во сезоната. На крајот од денот тоа е најважно. Ливерпул нема таков играч. Јунајтед ќе биде на испит, но може да ги контролира овие момци“, заклучи Силвестре.
Учество во игри на среќа е дозволено за лица со 18+ години. Играј одговорно!