Поради повредата на Марсијал пропаѓа трансферот на Санчез во Интер

Напаѓачот на Манчестер Јунајтед, Алексис Санчез беше блиску до преселба во милански Интер, но според последните информации трансферот може да „пропадне“.

Санчез веќе има договор со „нероаѕурите“, кои веќе две недели се во преговори со Манчестер Јунајтед.

Клубот од Серија „А“ се согласи да плати половина од огромната плата на Чилеанецот од 500.000 фунти неделно до крајот на сезоната, а следното лето да може да го откупи за 20 милиони евра.

Двата клуба ги договараа последните детали, но повредата на Марсијал може да ги промени плановите.

Доколку се утврди дека повредата на Марсијал е од сериозен карактер, тогаш „црвените ѓаволи“ најверојатно ќе го блокираат трансферот на Санчез.

#Inter, #Sanchez rischia di sfuggire: l'infortunio di #Martial blocca l'affare.
>https://t.co/iZKxLDVHeh< pic.twitter.com/a4ZlFQp8KQ

— SportMediaset.it (@Sport_Mediaset) August 26, 2019