Покетино: Го очекувам Лукаку на стартот на подготовките

Новиот менаџер на Челзи, Маурисио Покетино, не ја исклучи можноста да го задржу Ромелу Лукаку во тимот.

Лукаку се врати во Челзи после позајмицата во Интер, но се очекуваше сигурно да го напушти лондонскиот клуб ова лето.

„Не е проблем што Челзи загуби 10 играчи. Лукаку би требало да се врати за неколку дена на подготовки за претсезоната. Доколку и понатаму е играч на Челси, како и другите, очекувам да дојде во мојата канцеларија“, изјави Покетино.

Белгиецот сака да се врати во Интер, но Челзи порача дека нема да го пушта на нова позајмица, а Покетино не ја исклучува можноста да го задржи.