Познато кога ќе се одигра мечот Интер – Сасуоло

Одложениот меч од 28-то коло од Серија А помеѓу Интер и Сасуоло ќе се одигра на 7-ми април во 18:45 часот, објавија од Лигата.

Натпреварот ќе се одигра во истиот ден за кога е закажан одложениот дуел помеѓу Јувентус и Наполи од 3-то коло.

Мечот Интер – Сасуоло требаше да се одигра минатата сабота, но беше одложен поради неколку случаи на коронавирус во таборот на „нероаѕурите“.

Во моментов Интер е лидер во Серија А со 6 бода предност пред Милан и има шанси да ја зголеми таа предност.