Пиоли има проблеми во составот пред дербито со Рома

Mилан го објави списокот на играчи за натпреваро против Рома и така е потврдено дека за денешниот дуел на „росонерите“ нема на располагање да им бидат Бенасер и Марио Манџукиќ.

Двајцата имаа повреди на мускулите и нема да можат да и помогнат на екипата на тешкото гостување на „Олимпико“. Посебно ќе недостасува Бенасер кој е еден од главните играч и носители на играта.

Манџукиќ се повреди на тренингот пред миланското дерби, а Бенасер во натпреварот против Црвена Звезда од Лигата на Европа. Покрај тоа се најавува и дека Ромањоли ќе биде на клупата, а Фикајо Томори со Кјаер ќе игра во срцето на одбраната.