Официјално: Челси го претстави новото засилување!

Сека веќе поранешниот играч на Виљареал, Николас Џексон, потпиша осумгодишен договор со Челзи.

Сенегалскиот 22-годишен напаѓач минатата сезона постигна 13 гола на 38 првенствени натпревари во шпанската лига, од кои девет на последните осум натпревари.

„Тој е млад играч со голем потенцијал. Веруваме дека е подготвен за следниот чекор во кариерата и со нетрпение очекуваме да работи со нашиот нов тренер Маурисио Покетино и неговите соиграчи во Челзи“, се вели во соопштението на веб-страницата на лондонскиот клуб. .

Од Челзи не соопштуваат финансиски детали, а британските медиуми објавија дека трансферот е вреден нешто повеќе од 37 милиони евра.

Џексон во јануари требаше да потпише за Борнмаут, клубовите постигнаа договор, но трансферот пропадна бидејќи фудбалерот не ги помина лекарските прегледи поради проблеми со тетивата.

Тој е второто засилување на Челзи во летниот преоден рок, по доаѓањето на напаѓачот Кристофер Нкунку од Лајпциг.