Официјално: Стопиран фудбалот во Шпанија

Сите натпревари од Примера и подолните лиги во шпанскиот фудбал се суспендирани за најмалку две недели, пренесе официјално фудбалската Федерација.

Раководството на Ла Лига само еден ден претходно соопшти дека натпреварите во наредните две недели ќе се играат без публика, но ситуацијата во меѓувреме се влоши и во текот на денот беше променета одлуката.

Оваа цел се презема со цел да се спречи ширењето на коронавирусот во Шпанија и на Пиринејскиот полуостров.

Претходно стана јасно дека целиот тим на Реал Мадрид е во карантин, откако на еден кошаркар од клубот му беше дијагностициран коронавирус.