Официјално: Сајнц во Ферари, Рикардо во Мекларен!

Карлос Сајнц Жуниор од денес и официјално е нов возач на Ферари каде што ќе го замени Себастијан Фетел, додека Даниел Рикардо се сели во Мекларен.

Фетел пред неколку дена потврди дека заминува од Ферари по завршувањето на неговиот договор оваа година. Во 2021 Шарл Леклер ќе биде тимски колега со Карлос Сајнц.

Мадриѓанецот така ќе биде третиот Шпанец во црвениот болид после Алфонсо де Портага и Фернандо Алонсо кој во овој тим помина пет години и три пати беше светски вицешампион.

Сајнц потпиша договор до 2022 година.

Од друга страна во Мекларен се сели Даниел Рикардо. Рикардо ќе биде замената за Сајнц. После две сезони во Рено Рикардо од 2021 ќе вози за Мекларен.

„Доведувањето на Даниел е чекор напред во нашиот долгорочен план и ќе донесе возбудлива димензија. Тоа е добро за нашиот тим, партнери и секако навивачите. Сакам да му се заблагодарам на Карлос за одличната работа во Мекларен. Тој е тимски играч му посакуваме се најдобро“, изјави извршниот директор на Мекларен, Зек Браун.