Од херој до најомразена личност: Навивачите ги враќаат дресовите од Бонучи!

Искусниот 30 годишен фудбалер, Леонардо Бонучи како што е познато се пресели од редовите на Јувентус во Милан.

Очекувано овој трансфер крена многу прашина во јавноста. Италијанецот преку ноќ стана една од најомразените личности во Торино, а раководстовото на „старата дама“ одлучи името на Бонучи и целосно да биде избришано.

Сите навивачи на Јувентус кои имаат дрес од овој фудбалер, можат целосно бесплатно да го вратат во фан шопот на клубот, а за возврат ќе добијат дрес од некој друг фудбалер, по нивни избор.

Бонучи седум години го носеше дресот на Јувентус. Иако беше столб на одбраната, предавството скапо го плати и сигурно дека повеќе никогаш во Торино нема да има „топло“ добредојде.