Објавена црната листа на претседателот на Реал Мадрид: На неа се наоѓа и Лука Модриќ

Реал Мадрид новата сезона во Ла Лига ја започна со максимален учинок, со четири победи во четири натпревари и 12 освоени бода.

Во Мадрид сонуваат за нова титула шпански шампион, а почетокот на сезоната им дава право да се надеваат на тој успех, бидејќи кралскиот клуб има четири победи и на крилата на нивното најголемо летно засилување од Борусија Дортмунд, Џуд Белингем, тие играат навистина фантастично.

Целта на Реал ќе биде да ја врати титулата која моментално е во Барселона, а секако желбата е да ја освои и Лигата на шампионите.

Во меѓувреме, систематски се работи на промени во тимот. А веќе е јасно дека ќе има значителни промени на крајот од сезоната.

Објавена е т.н црната листа на претседателот на Реал, Флорентино Перез. Според порталот Фичајес, Реал на крајот на сезоната се откажува од пет играчи и тоа Лука Модриќ, Тони Крос, Лукас Васкез, Начо и Андриј Лунин.

Секако, со оглед на посветеноста на Модриќ кон клубот, за која одби огромни милиони од Саудиска Арабија, сигурни сме дека оваа вест многу ќе го разочара.