Новиот тренер на Барса прави револуција – играчите во шок!

Новиот тренер на Барселона, Ернесто Валверде, после слабата измината сезона се одличи да направи огромни промени во соблекувалната на каталонскиот гигант.

Како што известуваат шпанските медиуми, Валверде се одлучил да ги „измеша картите“ и на некои од клучните играчи целосно да им ја промени улогата во тимот.

Па така првата ѕвезда Лео Меси би требало да се врати во средниот ред, каде понекогаш играше и оваа сезона со многу успех. Таа рокада предизвика чудење во соблекувалната, но оние искусни играчи знаат за што станува збор.

Тоа треба да донесе уште некои промени во тимот, но суштината е Аргентинецот повеќе да учествува во креирањето на играта, да биде организатор, а не да трча по крилата како што играше до сега.

Ќе биде интересно да се види како ќе успее Валверде тоа да го искомбинира, како ќе функционира Меси во срцето на средниот ред и кој ќе го заземе неговото место во нападот.