Нејмар: Сакам да играм со Роналдо

Нејмар неодамна стави потпис на нов договор со ПСЖ и од претседателот побарал да бидат донесени големи фудбалски имиња.

Многу фудбалски ѕвезди се поврзуваат со трансфер во Пари Сент Жермен, а Нејмар не крие дека сака да игра заедно со Кристиано Роналдо.

„Сакам да играм со Кристиано Роналдо. Имам играно покрај големи фудбалери како Лео Меси и Килијан Мбапе, но никогаш не сум играл покрај Роналдо“, истакна Нејмар.

Иднината на Роналдо во Јувентус е неизвесна и се погласни се шпекулациите дека може да ја промени средината ова лето.

Токму ПСЖ важи како фаворит за неговиот потпис бидејќи „светците“ имаат финансиска моќ да го донесат во Париз.