Нејмар после Наполи: Револтиран сум, судијата не покажа почит

Најскапиот фудбалер во светот во вчерашниот натпревар неколку пати ја изгуби контролата, изреволтиран од судењето на Холанѓанецот, Бјорн Кјупрс.

Ситуацијата кулминираше во 91-та минута кога заработи и јавна опомена, а не се смири ни после натпреварот во кој ПСЖ одигра 1:1 против Наполи.

„Тешко ми е сега нешто да кажам, но мислам дека резултатот не е добар. Дојдовме да победиме, никогаш не мислиме на нерешено. Не сум задоволен, си одам дома фрустриран. Ја сакавме победата, но се уште ништо не е готово, се уште има да се игра“, изјави Нејмар кој потоа зборуваше за главниот арбитар на натпреварот.

„Не ме интересира што судиите можат да грешат. Начинот на кој судијата ги третираше играчите покажуваше недостаток на почит. Затоа ја изгубив контролата и му кажав некои зборови. Тој мора да ги почитува играчите. Го осудвам поради начинот на кој се однесуваше кон играчите. Се надевам дека оние кои се одговорни ќе превземат нешто“, заврши Бразилецот.