Нејмар нареди, Барселона направи – Во Барса пристигнува играчот на Сантос

Барса речиси сигурно го обезбеди потписот на ѕвездата на ПСЖ, Марко Верати.

Но, сепак денеска доаѓа вест дека од Бразил е договорено засилување: 27-годишниот играч за врска Лукас Лима.

Лима игра за Сантос, клубот од кого на „Камп Ноу“ пристигна Нејмар пред четири години. Токму и тој е најзаслужниот што Лима оваа зима ќе стане играч на Барселона.

Како што пишуваат медиумите, на 31. декември му истекува договорот со Сантос и во Барселона ќе пристигне без надомест, а бразилскиот „Fox Sports“ пишува дека Нејмар им наредил на Каталонците да го доведат Лима.

Нејмар и Лима се колеги од репрезентацијата каде што Лима во последните две години запиша 14 настапи, но главната причина што Нејмар ургира за овој трансфер е во тоа што менаџер на Лима е таткото на Нејмар.

Новинарот Бенџамин Бек од Бразил известува дека Лима ќе потпише четиригодишен договор со Барселона и ќе ја заостри конкуренцијата во средината на средниот ред каде што на Каталонците хронично им треба освежување.