Најбогатиот Британец нема да го купи Челзи!

Пред неколку месеци се шпекулираше дека Сер Џим Ретклиф ќе го купи Челси од Роман Абрамович, но во моментов тој ја отфрли таа можност со коментар дека процената на вредноста на англиските клубови е ненормална.

Ретклиф, исто така, ја отфрли можноста да вложи пари во некој премиерлигаш затоа што смета дека е доволно присутен во светот на спортот бидејќи почна да вложува пари во Формула 1.

Наместо вложување во англиски клуб, Ретклиф вели дека е посветен на Ница, фудбалски клуб од Франција, кој го купи во август минатата година за околу 100 милиони евра.

Ница во моментов се наоѓа на 11. позиција во францускиот шампионат, а во клубот играат фудбалери како Бразилецот Данте и Данецот Долберг.