Најава и за бокс меч кој цел свет би сакал да го види: Џошуа против победникот од Фјури и Вајладер!

Ентони Џошуа во април наредната година ќе го има еден од најголемите предизвици во кариерата.

Џошуа ќе боксува против победбикот Вајладер и Фјури, меч кој ќе се одржи на 1-ви декември во Лос Анџелес.

„WBC“ организацијата за чиј појас ќе боксуваат Фјури и Вајладер нареди победникот од овој меч да оди на пресметка која сите со нетрпение ја исчекуваме.

Првиот човек на организацијата Маурицио Суламиан за „Скај Спорт“ ја најави големата броба.

„Тоа е борба која светот сака да ја види. Тоа е борба за која ние одлучивме. Фјури – Вајладер нема да биде борба за предизвикувач, ние сакаме победникот да оди на меч со Џошуа. Ќе наредиме да има таква борба затоа што сите сакаат да ја видат. Џошуа против „WBC“ шампионот“, изјави Сулаиман.

Суламиан исто така соопшти дека идеално би било борбата да биде одржана на фудбалски стадион. Таквите негови зборови веројатно значат дека на 13-ти април 2019 година на „Вембли“ ќе биде одржан спектакл кој ќе го одреди апсолутниот крал во тешка категорија.