Најава и анализа: Македонија – Ерменија, ова е натпреварот кој мора да се победи!

Веќе второто коло во Лигата на Нации може да се покаже како клучно во разврската во групата 4 од Лигата Д. Македонија е домаќин на Ерменија, а евентуалниот победник ќе биде многу блиску до првото место во групата.

Дуел кој ќе даде одговори на многу прашања

Дуелот против Ерменија во Лигата на нациите е најважниот меч од оваа група. По овој натпревар многу работи ќе бидат појасни и за двете селекции, особено за Македонија поради тоа што игра на домашен терен, а до крајот ќе гостува во Ерменија. Реално, уште после жрепката беше јасно дека овие две селекции ќе бијат битка за првото место во групата. Лихтенштајн и Гибралтар се далеку од двете репрезентации според квалитетот. Победа за Македонија е единствена опција. Ерменија пак ќе биде задоволна и со реми, па ќе се надева дека на возвратниот дуел ќе извлече подобар резултат пред својата публика.

Македонија се наоѓа во одлична серија

Овој меч е идеална шанса да се продолжи низата од осум натпревари без пораз започната од гостинската победа од 0:1 против Израел во Хаифа, точно од пред една година. Од тогаш Македонија има уште шест натпревари и тоа три победи (Израел, Лихтеншнтајн и Норвешка) и четири ремија (Албанија, Италија, Финска, Азербејџан и Гибралтар).

Желбата на македонските репрезентативци е да се продолжи и низата од седум едноподруго официјални квалификациски дуели на кои се постигнува барем по еден погодок. Последен пат кога Македонија не успеала да запише гол на квалификациски дуел е на 12-ти ноември 2016 година во поразот од Шпанија на гостински терен. Воедно, тоа беше и единствениот натпревар од десетте во квалификациите за СП 2018 во кој Македонија не постигна гол.

Победата со Гибралтар е добредојдена, но …

На првиот дуел во четвртокот Македонија славеше над Гибралтар во гости, но само со 0:2. Велиме само бидејќи Гибралтар има само еден професионален фудбалер. Останатите се аматери и повеќе професори, полицајци, доктори, адвокати од фудбалери. Македонија беше доминантна во сите сегменти на фудбалската игра. Ја имаше топката во свој посет и го диктираше темпото. Но се задоволи со само два гола во противничката мрежа. Епа така фудбал не се игра. Целиот втор дел Македонија го одигра лежарно, без да размислува на противничкиот гол. Со бескрајни додавања на својата половина, а откако ќе се пробиеја на противничкиот дел ја враќаа топката речиси до голманот. Во една од варијатите, гол разликата може да игра клучна улога за првото место во групата, а во овој случај таа тешко дека ќе биде на страната на Македонија.

Многу работи ќе зависат од играта на Махтиријан

Ерменија премногу зависи од играта на нивната прва ѕвезда Махтиријан од Манчестер Јунајтед. Целата игра се врти околу него. Доколку тој има добар ден, Ерменија може да игра против секого. Доколку тој има лош ден, Ерменија може да загуби од Секого. Тоа најдобро се виде во четвртокот кога во Ереван едвај беше совладана селекцијата на Лихтенштајн. Махтиријан одигра под просекот, а тоа се рефлектираше врз тимот и тоа се осети на теренот. Сепак Ерменија некако славеше со 2:1, но во Скопје ќе дојде преморена и по многу потежок меч од очекувањата.

Ерменија има шпиони во имињата на Барсегијан и Хамбурџијан

Во Ерменија играат двајца фудбалери кои одлично Најдобриот напаѓач на Вардар, Барсегијан, како и поранешниот десен бек на Вардар, Хамбурџијан кој летово си замина од македонскиот тим. Тие можат да бидат потенцијална опасност за Македонија, но не само на теренот туку и вон него. Одлично ги познаваат дел од македонските репрезентативци. Ги знаат нивните добри, но и лоши страни па нивната шпионажа ќе биде добредојдена за Ерменија.

Македонија е фаворит во секој поглед

Македонија е фаворит и споре димињата на фудбалерите и според рејтингот и според формата. Тешко е да се најде нешто, во што Ерменија е подобра. И коефициентите се на страната на Македонија па за домашна победа букмејкерите доделија коефициент 1.98 во Coinbet24. За победа на Ерменија пак коефициентот во истата обложувалница е 4.20. За нерешен резултат коефициентот во Coinbet24 е 3.25. Ова најдобро ја отсликува рамнотежата помеѓу двете селекции и фаворитската улога на Македонија.

На професионалниот сајт за спортско обложување „Кладење.мк“ можете да пронајдете и предлог тип за овој и уште неколку други натпревари од вистински професионалци и луѓе кои си ја знаат работата.