Наполи ќе биде значително ослабен во дербито со Милан

Виктор Осимен, звучното засилување на Наполи од Лил ќе го пропушти дербито со Милан кое на програмата е наредната недела.

Нигерискиот репрезентативец се повреди во квалификациите за Африканскиот куп на Нации против Сјера Леоне и изгледа ќе пропушти неколку натпревари.

„Виктор има истегнато рамо, ќе има проблем во наредните неколку недели и поради тоа сигурно нема да игра против Милан“, изјави пријателот на Осимен, Ома Акатугба.

Наполи во овој момент на табелата има три бода помалку од Милан кој е лидер во Серија А.