Мурињо тргнува по ѕвездата на ПСЖ

Англиските медиуми пренесуваат дека Жозе Мурињо покажува сеилен интерес за плејмејкерот на ПСЖ, Марко Верати.

Пристигнувањето на Фред од Шахтјор е речиси сигурно, но „Специјалниот“ сака уште еден врвен играч за врска бидејќи ова лето ќе остане без Карик и Фелаини.

Италијанскиот репрезентативец веќе подолго време е мета на Манчестер Јунајтед, а „Мирор“ тврди дека Мурињо повторно ќе се обиде ова лето да го донесе на „Олд Трафорд“.

„Црвените ѓаволи“ имаат одличен однос со неговиот менаџер Мино Раиола и наводно веќе стапиле во контак со него, а се спремни да понудат 100 милиони фунти за потписот на Италијанецот.

Самиот Верати е отворен за преселба во Премиер лигата, но останува да видиме како ќе реагира раководството на ПСЖ кое до сега ги одбиваше сите понуди за плејмејкерот.