Мурињо се засилува со уште една ѕвезда од Премиер лигата

Раководството на Рома започна преговори со Кристал Палас за трансфер на Вилфред Заха, пренесуваат италијанските медиуми.

Заха веќе неколку години беше мета на многу англиски клубови, но остана во Кристал Палас поради високата цена која му ја постави клубот.

Меѓутоа, Заха сега влезе во последната година од договорот и инсистира да ја промени средината, а најсилен интерес за него покажува Рома.

Мурињо верува дека Заха одлично ќе се вклопи во неговиот тим и ќе биде идеален партнер за Абрахам, па веќе стапил во контакт со неговиот агент.

Заха веќе дал зелено светло за преселба во Италија, а „волчицата“ верува дека ќе го договори трансферот за 20 милиони евра.

🚨AS Roma are in talks with Crystal Palace for 29-year-old player Wilfried Zaha. 🇨🇮 🐺#ASRoma 🔵#CPFC pic.twitter.com/6dpFcffzhT

— Ekrem KONUR (@Ekremkonur) July 11, 2022