Мурињо отворено до Погба: Тука јас сум шеф!

Англиски „The Sun“ открива дека Пол Погба и Жозе Мурињо имале разговор во неговата канцеларија, но и пишува и за детали од истиот состанок.

Имено, според информациите на овој медиум, Мурињо и Погба разговарале околу тактиката проблемите и статусот на Погба кој овој момент го има во клубот.

Сепак она што како „бомба“ одекна во англиските медиуми се наводните зборови на Мурињо со кој веројатно му ја покажал и излезната врата на најскапиот играч во историјата на Манчестер Јунајтед.

Според „The Sun“, Mурињо му се обратил со зборовите: „Тука јас сум шеф и јас одлучувам“. Со овие зборови Португалецот веројатно сакал да му покаже Погба „кој е кој“ во клубот.

Да потсетиме, Погба во последно време се почесто се наоѓа на клупата за резерви, а ситуацијата кулминираше кога Французинот не доби место во првиот тим во натпреварот од Лигата на шампионите против шпанска Севиља.