Модриќ денес добил црвен картон поради ново правило

Денес Реал Мадрид со 1:3 запиша победа во натпреварот против Селта во првиот натпревар во Ла Лига.

Во овој натпревар Модриќ кај Реал заработи исклучување, а токму оваа ситуација е предмет на дебати во Шпанија после натпреварот.

Со свое објаснување во јавноста излезе и легендарниот Итуралде Гонзалез кој тврди дека Модриќ бил исклучен поради новите правила.

„За ова многу се предупредуваше и претходно. Судиите оваа сезона добија специјална порака да обрнуваат посебно внимание и да ги санкционираат стартовите од зад грб и за овие ситуации ќе немаат никаква толеранција. Очигледно е дека Модриќ немаше намера, меѓута со ова правило се заштитуваат фудбалерите, а судијата само го почитуваше“, објасни Итуралде.