Млад српски фудбалер почина откако скокнал од карпа во Охридско езеро

Младиот српски фудбалер, Никола Стевановиќ (26), по 12-дневна борба за живот во болница во Скопје, подлегна на повредите здобиени од кобниот скок од карпа на Охридското езеро.

По ударот во подводна карпа го скршил вратот и шестиот пршлен. Во клиничкиот центар во Скопје тој се бореше 12 дена за живот, по што им подлегнал на повредите.

Никола Стевановиќ играл фудбал од најрана возраст, поминувајќи низ сите млади селекции во ФК Дубочица. Играл на позицијата центарфор, додека пак низ својата кариера го носел дресот на нисколигашите ФК Кумарево, Полет, Слога, ОФК Морава Лесковац.