Милан на чекор до првото зимско засилување

Милан во последните денови на преодниот рок не успеа да го комплетира трансферот Роман Фавре од Брест.

„Росонерите“ имаа договор со 23-годишниот офанзивен фудбалер, но не успеаа да се договорат со Брест за висината на обештетувањето.

Фавре важи за еден од најперспективните француски фудбалери и игра фантастично и оваа сезона каде на 9 меча постигна три гола и запиша 4 асистенции.

Милан ќе се обиде да го донесе во јануари и веќе има комплетен договор со играчот, а наскоро спрема нова понуда до францускиот клуб.

Фавре е на мета уште на Баерн Минхен и Манчестер Јунајтед, но тој сака да се пресели на „Сан Сиро“ каде очекува дека ќе има поголема минутажа.