Марота потврди: Санчез е играч само на Интер!

Чилеанскиот фудбалер Алексис Санчез ова лето нема да се враќа во Манчестер Јунајтед затоа што Интер одлучи да го задржи на „Џузепе Меаца“.

Алексис пристигна во Интер на едногодишна позајмица и клубот одлучи да го задржи во своите редови. Манчестер Јунајтед се откажа од било каква оштета за да го олесни буџетот од платата на Санчез која изнесуваше 500.000 фунти неделно.

Имено, Јунајтед ќе го раскине договорот со Санчез и без оштета ќе го пушти во Интер. Бепе Марота тоа го потврди вечерва.

„Се ќе биде официјализирано утре, а можам да ви кажам дека тој сега е играч само на Интер. Имаме договор на три години и веруваме во него. Среќни сме што договорот е постигнат“, изјави Марота.