Марота: Миланското дерби беше одлична реклама за италијанскиот фудбал

Извршниот директор на Интер, Џузепе Марота е задоволен од атрактивниот меч кој го одиграа екипите во миланското дерби.

Марота е разочаран што „нероаѕурите“ не успеаа да го совладаат Милан, но смета дека мечот бил одличен.

„Би сакал да потенцирам дека ова дерби беше една убава реклама за италијанскиот фудбал. Мечот беше следен во живот од 150 земји во светот. Меѓутоа останува за нас разочарувањето дека не победивме. Сепак, тоа се должи на квалитетите на противникот“, изјави Марота.

„Милан многу создреа во последно време и е меѓу тимовите кои ќе имаат водечка улога во битката за Скудетото, заедно со нас. Ќе биде интересна битка до самиот крај“, додаде директорот на „нероаѕурите“.