Марадона ги налути навивачите на Барса!

Еден од најдобрите фудбалер во историјата, Диего Армандо Марадона со својата последна изјава ги разбесни фановите на Барселона.

Каталонски „Спорт“ пишува дека Марадона изрекол голема „глупост“ кога ги споредил ѕвездата на Барса Лео Меси и ѕвездата на Реал, Кристиано Роналдо.

На прашање од новинарите за тоа кој е подобар од нив двајцата и кој ја заслужува „Златната топка“, Марадона одговорил дека тоа е тешко да се процени.

„Тоа е тешко да се каже. Многу е мала разликата помеѓу нив двајцата“, изјави Марадона, со што ги разочара навивачите на својот поранешен клуб, Барселона.

Фановите на Барса сметаат дека Меси е значително подобар од Кристиано Роналдо и очекуваа Марадона да го поддржи својот сонародник.