Манџукиќ го напушта Јувентус и се сели во гигантот од Премиер лигата?

Нападот на Јувентус оваа сезона ќе изгледа сосема поинаков во однос на претходните години.

Моис Кеан и официјално се пресели во Евертон за 27,5 милиони евра, а кон патот за Премиер лигата ќе си оди и Марио Манџукиќ. „Tuttomercato“ тврди дека хрватскиот напаѓач постигнал договор со Манчестер Јунајтед и следната година ќе го носи црвениот дрес.

Овој 33-годишен фудбалер со клубот од „Олд Трафорд“ ќе потпише двегодишен договор со опција за продолжување на уште една сезона. Интересно дека Јувентус и Манчестер Јунајтед истовремено преговараат околу размена на Паоло Диабала и Ромелу Лукаку, а таа работа не е поврзана со трансферот на Мануџкиќ.

Поранешниот хрватски репрезентативец е член на Јувентус од 2015. година. Со својата борбеност, карактер и менталитет стана миленик на навивачите и сигурно нема да им биде сеедно поради неговото заминување.