Манчини одлучил Италија и Македонија да играат на „Ренцо Барбера“

Вчера беше донесена одлука Македонија на Италија да и гостува на „Ренцо Барбера“ во Палермо.

Против Италија ќе играме на 24. март, а првиот човек на фудбалската федерација на Италија, Габриеле Гравина откри дека Манчини го избрал тој терен.

„Имавме разговор со Манчини. Тој одлучи да го играме натпреварот во Палермо. Сакаме новата фаза на репрезентацијата да започне од Палермо“, изјави Гравина.

Ќе потсетиме, на овој терен со многу успех во дресот на Палермо настапуваа македонските напаѓачи, Илија Несторовски и Александар Трајковски.