Манчестер Јунајтед спрема рекордна понуда за Осимен

Англиските медиуми пренесуваат дека Манчестер Јунајтед е силно заинтересиран за напаѓачот на Наполи, Виктор Осимен.

Приоритет наТен Хаг следното лето ќе биде доведување на врвен напаѓач, а Осимен е на врвот на листата желби.

Италијанските медиуми пренесуваат дека „црвените ѓаволи“ веќе стапиле во контакт со агентот на напаѓачот, кој е отворен за преселба во Премиер лигата.

Тен Хаг верува дека Нигериецот идеално ќе се вклопи во тимот, бидејќи веќе ја покажа својата класа во Серија А.

Наполи нема лесно да се откаже од него, но Јунајтед е спремен да испрати понуда од 100 милиони евра, која наполитанците тешко ќе ја одбијат.