Манчестер Јунајтед работи на трансферот на Кејн

Трансферот на Хари Кејн во Манчестер Јунајтед и ова лето ќе биде жешка тема на Островот.

Ѕвездата на „Спарси“ одби да го продолжи договорот и на лето најверојатно ќе ја промени средината бидејќи влегува во последната година од договорот.

Тотенхем е далеку од борба за титулата, а големи се шансите да остане без пласман во Топ 4, па клубот е спремен да го продаде Кејн за сума од 100 милиони фунти.

Најсилен интерес за Англичанецот покажува Манчестер Јунајтед, кој веќе стапил во контакт со неговиот агент.

„Црвените ѓаволи“ добиле позитивни сигнали и Кејн е спремен да се пресели на „Олд Трафорд“ на лето.

Баерн Минхен исто така покажува сериозен интерес, но Манчестер Јунајтед сака да ја победи конкуренцијата бидјеќи е во потрага по класичен напаѓач.