Манчестер Јунајтед пронајде алтернатива за Санчо

Прва трансфер цел на Манчестер Јунајтед во летниот преоден рок ќе биде ѕвездата на Борусија Дортмунд, Џејдон Санчо.

Меѓутоа, „црвените ѓаволи“ пронајдоа алтернатива доколку не успеат да го реализираат трансферот на англискиот репрезентативец.

Станува збор за крилниот напаѓач на Шалке, Раби Матондо, кој исто како Санчо го напушти Манчестер Сити пред година и половина и игра одлична сезона во Бундеслигата.

„Граѓаните“ за него добија 11,5 милиони фунти, но сега 19-годишниот крилен фудбалер вреди скоро три пати повеќе.

Матондо е роден во Ливерпул, но игра за репрезентацијата на Велс, и комплетно се вклопува во профилот на играчи кои ги бара Манчестер Јунајтед – млади перспективни британски фудбалери.