Македонија загуби голем талент, Новевски избра да игра за Србија

Големиот македонски талент и фудбалер од Војводина Влада Новевски, од денеска избра да игра за младата репрезентација на Србија.

Новевски е 18-годишен фудбалер кој игра на сите позиции во нападот и важи за исклучителен талент.

Тој е роден во Нови Сад во 2002 година беше дел од У16, У17, У18 и У19 селекциите на Македонија, а сега ја избра српската репрезентација.

„По разговорот со директорот Никола Лазетиќ, донесов, заедно со родителите, дефинитивна одлука да по четигодишни настапи за сите катогории на Македонија, заиграм за Србија. И ќе ми биде чест. Едноставно проценката ми е дека ќе имам подобри услови за развој, довербата на која наидов во Фудбалскиот сојуз на Србија ми гарантира дека ќе имам добра работа и се надевам на делосна афирмација“, изјави младиот фудбалер.