Лајпциг брзо пронајде замена за Олмо: Пристигнува француски репрезентативец

Лајпциг е познат како клуб кој често знае да лансира квалитетни фудбалери, последен е случајот на Дани Олмо кој се сели во Барселона, а германскиот клуб изгледа брзо пронајде негова замена.

Замената за Олмо би можела да дојде до француското првенство. Станува збор за Рајан Черки, фудбалер на Лион кој учествуваше и на овогодинешните натпревари на француската репрезентација на Олимписките игри.

Во Париз на два натпревари влезе од клупата, а претходно ги помина сите младински селекции на Франција. Два настапи имаше и за „А“ селекцијата на „Триколорите“ за која дебитираше на 30 јули годинава.

Черки е по потекло од Алжир и многумина го сметаат за следната ѕвезда на францускиот фудбал. Најавите се дека Лајпциг би можел да плати околу 15 милиони евра, плус два како бонуси.