Куп на Македонија: Бајрами посакува трофеј и како тренер, за Михајлов нема фаворит!

Утре на програмата е битката за трофејот во Купот на Македонија помеѓу екипите на Македонија Ѓорче Петров и Силекс.

Ѓорчептровци атакуваат на трофејот, а тимот од Кратово кој успеа да после една сезона да се врати во првата македонска лига ќе биде во улога на бранител.

Тренерот на „лавовите“ Муарем Бајрами истакна дека посакува во својата кариера да додаде и куп трофеј како тренер.

“Имаме квалитет, за мене ова е прво финале како тренер, двапати го имам освоено пехарот како играч, се надевам сега ќе успеам и како тренер. Вакви натпревари не се играат секој ден, треба да излеземе на терен и да уживаме“, изјави Бајрами.

Стратегот на кратовскиот состав Горзад Михајлов смета дека ова е натпревар во кој нема фаворити.

“Ни се отвори шанса да играме за титула, тука сме и верувам дека пред се ќе победи фудбалот, а кој ќе биде подобар, ќе видиме. Фаворитската улога не би требало некому да му се дава, затоа што ова е финале и се е отворено.

Финалето се игра утре со почеток од 18:00 часот.