Куман не го сака, Јувентус и Милан се „тепаат“ за него

Италијанските медиуми пренесуваат дека Милан и Јувентус ја започнале битката за потписот на дефанзивецот на Барселона, Самуел Умтити.

За Умтити повеќе нема место во тимот на Куман и Барселона се обидуваше да се ослободи од него во текот на целото лето,  но Французинот сепак остана на „Камп Ноу“.

Шпанските медиуми пренесуваат дека Барселона и Умтити се блиску до договор за спогодбено раскинување на соработката, па дефанзивецот во јануари ќе биде слободен агент.

Италијанските гиганти сакаат да ја искористат ситуацијата и веќе стапиле во контакт со неговиот агент.