Кристиано Роналдо пред сензационален трансфер

Ѕвездата на Манчестер Јунајтед, Кристиано Роналдо е пред сензационален трансфер во Атлетико Мадрид, тврди „Дејли Мејл“.

Роналдо инсистира да го напушти Манчестер Јунајтед и се понуди на неколку европски гиганти, но наиде на затворена врата, а сака следната сезона да игра за тим кој настапува во Лигата на шампиони.

Роналдо веќе разговарал со Диего Симеоне кој не ја отфрлил можноста да го донесе во Атетико бидејќи смета дека тимот со него ќе направи скок во квалитет.

Притоа, Португалецот е спремен значително да ја намали својата плата за да потпише со Атлетико и да се врати во Мадрид.

Пред да го комплетира трансферот Атлетико треба да се ослободи од некоја од своите ѕвезди за да ослободи простор за платата на Роналдо, а најверојатно „јорганџиите“ ќе се обидат да се разделат со Антоан Гризман.