Компани од трибините го гледаше својот проштален натпревар од Сити, Ван Перси воодушеви

На Етихад синоќа беше одигран натпреварот помеѓу тим од легендите на Манчестер Сити и тим од ѕвездите во ПЛ, а резултатот на крајот беше 2:2.

Натпреварот беше одигран во чест на Винсент Компани кој помина 11 години во Манчестер Сити и требаше да биде негов проштален од овој клуб, но тој не можеше да настапи поради повреда.

Warrior, captain, leader. #mcfc fans salute Vincent Kompany at his testimonial raising funds for #tackle4MCR #bedeverynight pic.twitter.com/8CX5zSHMDj

— Henry Winter (@henrywinter) September 11, 2019

Навивачите на Граѓаните на прекрасен начин го дочекаа Компани, а на еден голем транспарент пишуваше: „Работник, капитен, лидер.“

Компани со Сити освои четири титули во ПЛ, два трофеи во ФА купот и четири во Лига купот.

Синоќа сепак од трибините ги гледаше своите поранешни соиграчи и многу други ѕвезди против кои играше во ПЛ.

Тимот на легендите на Сити поведе во 2. минута со голот на Петров, а ѕвездите од ПЛ израмнија во 30. минута кога после прекрасна асистенција на Ван Перси, Кин постигна погодок.

Ван Перси потоа во 47. минута постигна одличен гол за 2:1, a конечните 2:2 ги постави Бенџани во 88. минута.

Натпреварот донесе голем број прекрасни потези и голови за навивачите, кои ги имаше повеќе од 50.000 на стадионот.

Big welcome for Kompany and his kids. #MCFC pic.twitter.com/r1q6ihniWE

— Stuart Brennan (@StuBrennanMEN) September 11, 2019