Клоп: Задоволен сум од тимот, но во јануари…

Менаџерот на Ливерпул, Јирген Клоп не ја исклучи можноста да привлече нови играчи за време на зимскиот преоден рок.

Германецот истакна дека е задоволен од тимот, но можно е во јануари да биде активен на трансфер пазарот.

„Во овој момент, да, задоволен сум од тимот кој го имам на располагање. Меѓутоа, ќе видиме како ќе изгледаат работите во јануари. Имаме доволно долг состав за да играме во сите турнири и да стигнеме што е можно подалеку. Тоа е нашиот план, но не исклучувам доведување на нови играчи во јануари“, истакна Клоп, кој потоа го коментираше последното засилување, Алекс Окслејд Чемберлејн.

„За него ова е нов почеток. Тешко е да се адаптираш во нов клуб, но Алекс тоа го прави на перфектен начин“, заклучи германскиот стратег.