Интер го најде наследникот на Хандановиќ

Интер е во потрага по нов голман, кој ќе биде долгорочна замена за Самир Хандановиќ, кој пак игра уште една одлична сезона.

Кога актуелниот договор ќе му истече Хандановиќ ќе има 38 години, па Интер веќе почна да бара негов наследник.

Се шпекулира дека прва мета на Интер е голманот на Удинезе Хуан Мусо. Аргентинецот од 2018 година е во тимот од Удине, а сезонава импресионира со своите настапи и се промовираше во еден од најдобрите голмани во Серија А.

Удинезе е спремен да го продаде и за неговата слобода бара 30 милиони евра, а „нероаѕурите“ ќе се обидат да ја намалат таа сума така што во Удине ќе испратат некој свој фудбалер.