Изненадување: Дарио Срна го напушти Шахтјор, се сели во Серија А

Хрватскиот репрезентативец Дарио Срна после цели 15 години го напушти Шахтјор, а кариерата ќе ја продолжи во Серија А.

Иако изминатите денови се појави информација дека Хрватот кариерата ќе ја продолжи во Грција, сепак од Апенините пристигнуваат други информации.

„Скај Италија“ пренесува дека Срна пристигнал на Сардинија и дека наскоро ќе потпише едногодишен договор со Каљари.

Срна 15 години го носеше дресот на Шахтјор и освои 10 шампински титули, а ова лето му заврши договорот со украинскиот клуб и моментално е слободен агент.

Каљари минатата сезона заврши на 16-то место во Серија А, па Срна сигурно ќе биде големо засилување за тимот од Сардинија.