Ибрахимовиќ беше прашан за Чалханоглу: Кој е тој човек?

Златан Ибрахимовиќ тврди дека не го познава Хакан Чалханоглу, иако до пред неколку месеци играа заедно во Милан.

Синоќа се играше градското дерби помеѓу Милан и Интер кое заврши без победник (1:1).

Голот на „нероаѕурите“ го постигна екс играчот на Милан, Хакан Чалханоглу, кој притоа го прослави со провокација до фановите.

„Како ја коментирам прославата на Чалханоглу? Не знам кој е тој човек, а и не коментирам играчи од Интер“, изјави во свој стил Ибра.

„Ремито не е за славање, но не можеме да бидеме незадоволни. Мислан дека оваа сезона сме зрели за нешто повеќе и одиме по Скудетото“, додаде 40-годишниот голгетер.